Rusiye prezidenti Vladimir Putin Minskke «norman formatında» muzakerelerge keldi. Bunı Radio Svoboda çarşenbe künü, fevral 11-de, bildirdi.
Aqrusiyeniñ paytahtına Donbass zıddiyetiniñ al etilmesini muzakere etmek içün Frenkistan prezidenti François Hollande, Almaniya kantsleri Angela Merkel ve Ukraina prezidenti Petro Poroşenko keldiler.
Çarşenbe künü, fevral 11-de, Minskte Ukraina, Rusiye, Frenkistan ve Almaniya liderleri Ukrainanıñ şarqında olğan zıddiyetniñ al etilmesini muzakere etecekler.
Almaniya ükümetiniñ matbuat kâtibi Şteffen Zaybert bildirdi ki, muzakereler Kiyev saatine köre saat 17:30 planlaştırıldı.
