Qırımnıñ Nikita qasabasında vaqtınca qurulğan inşaatlarn yıqıp başladılar. Qırım akimiyeti bildire ki, mında em inşaat saipleri, em de Qırım Nazirler Şurasınıñ reis muavini Ruslan Balbek iştirak ettiler.
Qırım ükümetiniñ matbuat hızmeti bildire ki, adamlar «akimiyet ile dialog qurıp, eskiden berilgen boş vadeler yerine başqa teklifler alıp, bu qararnı qabul ettiler».
«Adamlarnıñ akimiyet ile dialogı ve topraq munasebetlerinde olğan deñişmelerniñ birinci neticeleri körüne», – dep ayttı Ruslan Balbek.
Onıñ qayd etkenine köre, doquz yıl devamında ilk sefer zapt etilgen topraqlarda adamlar qanunsız inşaatlarnı kendileri yıqalar.
Ruslan Balbek zapt etilgen topraq damartılarında vatandaşlarnıñ bazası ile iş boyunca yerli şuralarnıñ vekilleri ile birinci seminarda iştirak etken edi.
«Baş nazirniñ muavini» bildirdi ki, «Krımsvâz» azırlağan baza «14 yıl devamında (2000 senesinden itibaren) Aqmescit, Aqmescit rayonı, Sudaq, Yalta, Aluşta ve Kezlevde topraqnı zapt etken vatandaşlar aqqında malümatnı toplaycaq».
