Ukrainada er yıl fevral 20-de Kök yüzü (Nebesnaya sotnâ) Qaramanlarınıñ Künü qayd etilecek. Böyle bir Buyruqnı çarşenbe künü, fevral 11-de, prezident Petro Poroşenko imzaladı.
Devlet yolbaşçısınıñ matbuat hızmeti bildirdi ki, vesiqa er yıl fevral 20-ni Kök Yüzü Qaramanları Künü olaraq qayd etilmesini belgiley. Vesiqağa binaen, bunıñ maqsadı «Demokratiya, insan aqları ve serbestligi, Ukrainanıñ Avropa kelecegini qorup, Menlik inqilâbında (2013 senesi noyabr ayı – 2014 senesi fevral ayı) canını bergen vatandaşlarnıñ cesürligi, iradesi ve sebatını sayğı ile añmaqtır».
Nazirler Şurası cemaatnı celp etip, Menlik inqilâbına bağışlanğan tedbirler planını, şu cümleden Kiyevde müzey açılmasını, azırlamaq ve tasdıqlamaq kerek; Milliy ilimler akademiyasınıñ iştiraki ile vaqialarnı aydınlatqan foto, video ve diger vesiqalı malümatlarnı toplamaq kerek.
