Link açıqlığı

Qırımda fevral 16-dan itibaren şeer civarında qatnağan elektrik trenleriniñ yol parası paalılaşacaqtır. «Qırım demir yolunıñ» malümatına köre, biletler 55,5%-ğa paalılaştı, tezden de vagonlarda satın alınacaq biletler içün qoşma para alınacaq.

Qırım demir yolunıñ matbuat hızmeti bildirdi ki, yol parasınıñ arttırılması Qırımnıñ Devlet fiyat ve tarif komiteti ile muzakere etildi.

«Tezden bilet kassası olğan stantsiyasında minip, biletni elektrik treninde satın alğan adamlar qoşma olaraq 15 ruble ödeycekler», – dep qayd ete matbuat hızmeti.

Malüm ki, Qırım demir yolu Aqmescit-Canköy ve Canköy-Ermeni Bazar trenlerini lâğu etti. Bu qarar «yolcularnıñ sayısı eksilgeninden sebep masraflarnı azlaştırmaq maqsadı ile qabul etildi».

XS
SM
MD
LG