Qırım musulmanları Diniy idaresi musulmanlarnı qorunmağan camilerge diqqatlı olmağa çağırdı. Böyle bir beyanat QMDİ resmiy saytında bu künleri Qırım camilerinde olıp keçken bir qaç hırsızlıqtan soñ derc etildi.
Müftiyat qayd ete ki, camilerde qıymetli şeylerni qaldırmamaq, sadaqa parasını ise cuma namazından soñ almaq kerek. Kerek olsa, camide video nezareti tiklenmeli.
«Camilerni nezaretsiz qaldırmayıq, ibadet etmek içün Allahnıñ Evini sıq-sıq ziyaret etip, cinayetçilerge cinayet yapmağa fursat bermeyik!
Hatırlatamız, Qırım camilerinde sadaqa paralarını eskiden de hırsızlağan ediler, cinayetçilerni tapıp, ceza bergen ediler, ekseriyette bu adamlar apisten çıqqan ve narkotik qullanğanlardan edi», dep qayd ete QMDİ matbuat hızmeti.
Malüm olğanı ki, Qırımda eki kün içinde eki camide hırsızlıq oldı. Fevral 9-dan fevral 10-na keçer gecesi Aqmescit rayonınıñ Mamaq köyündeki «Yeşil camide» hırsızlıq oldı. Fevral 9-da aqşam Qurman rayonınıñ Büyük Onlar qasabasında belgisiz şahıslar camige kirip, sadaqa parasınıñ qutusından para aldılar.
