Link açıqlığı

Saatnıñ esas haberi

Rusiyede Qırım işğali şerefine hatıralıq kâğıt aqçası peyda olacaq


Rusiye Merkeziy bankı Qırım işğali şerefine hatıralıq kâğıt aqçasını çıqaracaq.

Bu aqta banknıñ matbuat hızmeti bildire.

«Bu sene Rusiye Bankı ruble timsaliniñ aksi ile hatıralıq kümüş aqçasını çıqaracaq. Bunıñ ile onıñ tasviri Rusiye Federatsiyası terkibinde yañı subyekt – Qırım Cumhuriyeti ve federal emiyeti olğan Aqyar şeeriniñ peyda oluvına bağışlanğan hatıralıq kâğıt aqçasında da olacaqtır.

Evel bildirilgeni kibi, Merkeziy Bank Qırım ve Aqyarnıñ «Rusiye terkibine qoşuluvı»na bağışlanğan 10 rublelik hatıralıq aqçasını çıqarğan edi.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG