Fevral 9-dan 10-na keçer gecesi İslâm Terek rayonı Tamğacı (İzümovka) köy camisinde hırsızılq yüz berdi.
Bunı Qırım Musulmanları Diniy İdaresiniñ matbuat hızmeti bildire.
Qara-Göz camisinde hırsızlıq, Aqmescit rayonında olğanı kibi, keçti. QMDİde aytılğanı kibi, cinayetçi camige kirip, qapını qırdı, soñra sadaqa qutusını açıp, bütün aqçalarnı alıp qaçtı.
İslâm Terek rayonı ve Kefe şeeriniñ baş imamı Nariman Köroğlu aytqanı kibi, qutuda eñ azından 5 biñ ruble bar edi. O, camide qaravul, nezaret kamerası, ya daimiy bir imam olmağanını añlattı, şunıñ içün cami esasen cuma namazına açıla, diger künlerde ise yerli musulmanlar camini özleri açalar.
«Yerli müminlerge anahtar ne erde olğanı bellidir, daima kelip, camini aça bileler. Cinayetçi anahtarğa tiymedi, qapı kilitini bozıp, aqça qutusına yol aldı. İzlerine köre, camide başqa areket etmedi, doğru sadaqa qutusına yöneldi. Yerli sakinler bunı aqşam taptılar, namazğa kelgende. Qomşular mında kündüz kimseni körmedi, harsızlıq aqşam yüz berdi, dep belleymiz», – tarif etti imam.
Vaqia yerine İçki işler nazirliginiñ taqiqat gruppasını çağırdılar.
Fevral 9-da, aqşam, hırsızlıq Qurman rayonı Büyük Onlar qasaba camisinde ve Aqmescit rayonı «Yeşil Cami»sinde yüz berdi.
