Link açıqlığı

Saatnıñ esas haberi

Ğarbiy dünya Rusiye tarafından Qırım işğalini tanımağanda, USA Today – eñ belli Amerika gazetelarından biri, Ukraina haritasını Qırımsız derc ete.

Ukrainanıñ Qırımsız resmi 2015 senesi fevral 10 künü çıqqan gazetanıñ birinci saifesinde bastırılğan.

Şimdilik gazeta muarririyetinde bunı kimse izaatlamay.

USA Today – AQŞ birinci umummilliy kündelik gazetasıdır. Neşir «Gannett Company» şirketiniñ incisi sayıla. USA Today 2008 senesi AQŞ diger gazetalarını, 2250 biñ nusha miqdarında çıqıp, ozmaqta edi. İngliz tilli dünyasında yalıñız «The Times of India» ind neşirinden qalışa edi.

Evel Ukrainanıñ Qırımsız haritasını saytında MTS Ukraina şirketi bastırğan edi, amma soñra tehnikiy hata yüz bergenini bildirdi.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG