Link açıqlığı

Saatnıñ esas haberi

Qırım spikeri Devlet şurasınıñ deputatlarına «efendiler» demege yasaq etti


Qırım parlamentiniñ toplaşuv salonı
Qırım parlamentiniñ toplaşuv salonı

İşğal etilgen Qırım Devlet Şurasınnı başı Vladimir Konstantinov Qırım parlamentiniñ deputatlarına «efendi» degil de, «arqadaş» aytmağa rica ete.

Bunı o fevral 11 künü keçirilgen toplaşuvda ayttı, haber ete Qırım.Aqiqat mühbiri.

Şu cümleden, böyleliknen o, Devlet şurası toplaşuvında deputatlarğa «efendiler» degen öz başına ilân etilgen ükümetiniñ emek ve içtimaiy qoruv naziri Yelena Romanovskayanıñ çıqışına seslendi.

«Ürmetli efendiler…deputatlar», – dep başladı öz muracaatına memur.

Romanovskayanıñ çıqışını soñunace diñlep, Konstantinov: «Tek bir rica – bizge artıq «efendiler» degil de, «arqadaşlar» aytıñız», – dep taşladı.

Nazir spikerniñ ricasına diqqat etmege söz berdi.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

XS
SM
MD
LG