Rusiye Yuqarı Mahkemesi fevral 11 künü Mordoviya mekteplerinde hicab yasaqlığına şikâyetni baqacaq.
Evel region talebelerine hicab kiymek yasaqlığını Mordoviya Yuqarı mahkemesi çıqarğan edi. Bu qarar qızlardan biri teneffüs vaqtında hicabında olğan topuzlı ineni yutqanından soñ çıqarıldı. Bundan eyel hicab yasaqlığı aqqında qararnı Mordoviya ükümeti alğan edi, amma diniy cemiyet vekilleri onı qanunsız tanıp, mahkemege muracaat ettiler.
Rusiye mekteplerinde hicab ve diger diniy urbanıñ kiyilmesi nice davağa sebep oldı. Birinci olaraq bu yasaq Stavropol diyarında kirsetilgen edi. Uquq qoruyıcılar aytqanı kibi, mahkeme qararından soñ mektep memuriyetleri yavlıq kiygen qız balalarnı taqip etmege başladı.
Rusiye baş müftisi, Musulmanlarnıñ merkeziy diniy idaresini reisi Talgat Tacuddin çağına yetmegen qızlarğa baş örtmege farz olmağanını bildirdi. Rusiye müftilerniñ Şurası reisi Ravil Gaynutdin başqa fikirdedir. Onıñ aytqanı kibi, böyle yasaq qızçıqlarğa mekteplerde eksiksiz oqumağa ve yaşdaşları ile bir munasebet qurmağa imkân bermez ve sabırsızlıqnı daa da ziyade arttırır. Gaynutdin Rusiye prezidentine mektüp yolladı.
