Link açıqlığı

Çubarov: Qırımda adliyeciler Federal havfsızlıq hızmeti tarafından açılğan cinaiy işler ile oğraşmağa istemeyler


Qırımtatar Milliy Meclis reisi Refat Çubarov repressiyalarğa oğrağan qırımtatarlarnıñ işleri ile kimse oğraşmağa istemegenini bildirdi.

Bunı o Espreso.TV efirinde qayd etti.

«Kiyevde FSB ya da Taqiqat komiteti tarafından qırımtatarlarğa nisbeten açılğan cinaiy işler ile oğraşmağa azır olğan adliyecilerniñ sayısı ap azlaşa. Şimdilik anda Oleksandr Lesovıy – tecribeli adliyeci çalışa. Keçken yılları endi Qırımda işlegen edi. Oña yardımğa Rusiyede tanılğan adliyecilerni tapmağa areket etemiz. Çünki digerleri Qırım toprağına irişip olamaylar», – dedi qırımtatarlarnıñ yetekçisi.

Rusiye tarafından işğal etilgen Qırımda qırımtatar faalleriniñ yaqalanuvı, sorğuları devam ete.

Yanvar 19 kunü «Mayıs 3» işi boyunca Edem Osmanov yaqalanğan edi. Yanvar 23-de «Ermeni Bazar» nezaret kiriş noqtasında FSB ve Rusiye sıñır hızmetiniñ hadimleri faali Sinaver Kadırovnı yaqalap, yarımadadan sürgün ettiler. Yanvar 29 künü Qırımtatar Milliy Meclis reisiniñ muavini Ahtem Çiygoznı yaqaladılar.

XS
SM
MD
LG