Minskte Donbass zıddiyetini al etüv üç taraflı kontakt gruppasınıñ toplaşuvı başlandı, dep haber ete Radio Svoboda mühbiri.
Ukraina, Rusiye, OSCE ve separatistlerniñ temsilcileri Minskke üç taraflı kontakt gruppasınıñ toplaşuvına keldiler.
Körüşüvde Ukrainadaki Rusiye elçisi Mihail Zurabov, Ukrainanıñ sabıq prezidenti Leonid Kuçma, OSCE vekili Heidi Tagliavini ve «DNR» ve «LNR» taqımlarınıñ vekilleri Denis Puşilin ve Vladislav Deynego iştirak eteler.
Kontakt gruppasınıñ bugünki körüşüvi fevral 11-ne Minskte keçirilmesi belgilengen prezidentlerniñ «norman formatında» körüşüvi arfesinde keçirilmekte. Ukraina, Rusiye, Frenkistan prezidentleri ve Almaniya katsleriniñ körüşüvi aqqında laf kete.
