Link açıqlığı

Saatnıñ esas haberi

Kramatorskqa açılğan ateş neticesinde 11 insan elâk oldı, 58 kişi yaralandı


Kramatorsk şeerine açılğan ateş neticesinde 7 şeer sakini ve 4 asker elâk oldı, dep ayttı Ukraina halq deputatı İrina Geraşçenko Ukraina Yuqarı Radasınıñ toplaşuvında, haber ete UNİAN.

«Yazıq ki, vatandaşlar arasında bugün 7 kişi elâk oldı ve 20 insan ağır yaralandı, olardan 9 – ğayet ağır alda, yaralanğanlar arasında 4 kişi – baladır», – dedi Geraşçenko.

Saat 16.00-ğa qadar yaralanğanlarnıñ sayısı 58 insannı teşkil etti, dep haber ete Donetsk vilâyeti devlet memuriyetiniñ saytı.

Vilâyet devlet memuriyeti qayd ete ki, yaralanğanlar şeerniñ hastahanelerine ketirildi, olarğa tibbiy yardım kösterile.

Baş ştab bildirdi ki, separatistler Kramatorsk şeeri ve onıñ civarına ateş açmaqtalar. Ateş BM-21 «Grad» sistemalarından açıla. İlk malümatlarğa köre, ateşte «Tornado» snarâdları da qullanıldı.

ATO ştabı bildire ki, «Tornado» Rusiye Silâlı quvetleriniñ silâsında mevcut.

XS
SM
MD
LG