Link açıqlığı

Fevral 9-dan fevral 10-na keçer gecesi Aqmescit rayonınıñ Mamaq köyündeki «Yeşil Camide» hırsızlıq oldı. Bunı Qırım musulmanları diniy idaresiniñ matbuat hızmeti bildire.

«Olar hayriye parasınıñ tahta qutusını açıp, bütün paranı alıp kettiler. Anda tahminen 500-600 ruble bar edi», – dep ayttı «Yeşil Caminiñ» imamı Asan Veysov.

Onıñ bildirgenine köre, hırsızlar qapularnı qırıp, camige kirdiler. Camide video nezareti ve bekçiler yoq, bazıda imam camide gecelemege qala, lâkin o aqşam evge ketti.

Hırsızlıq olğanını fevral 10-da üylede kördiler, vaqia yerinde uquq qoruyıcılar çalışmaqta.

Fevral 9-da aqşam Qurman rayonınıñ Büyük Onlar qasabasında belgisiz insanlar camige kirip, hayriye parası ile qutudan paranı aldılar.

XS
SM
MD
LG