Fevral 10-da Qırım Nazirler şurası 2015 senesi içün ealige vatanperverlik terbiyesini berüv kontseptsiyasını tasdıqladı. Böyle bir vesiqa Qırım ükümetiniñ saytında derc etildi.
Ükümetniñ matbuat hızmeti bildire ki, Qırım Cumhuriyeti Nazirler şurasınıñ reis muavini Larisa Opanasükniñ aytqanına köre, işbu kontseptsiyanı amelge keçirmek içün belli tedbirler planı ve ondan mesüliyetli adamlar belgilendi.
Tedbirler planında qaide uquq bazası, Vatanperverlik terbiyesiniñ merkezi ve mütehassıslar azırlanması mevcut.
«Qırım Cumhuriyetinde balalar ve gençlerniñ vatanperverlik ve maneviy ahlâq terbiyesiniñ cemaat devlet sistemasınıñ müim bir qısmı, vatanperverlik terbiyesi sistemasınıñ teşkiliy ameliy temini olaraq Vatandaşlarnıñ vatanperverlik terbiyesi merkeziniñ meydanğa ketirilmesidir», – aytıla vesiqada.
