Bugün saat 12.30 Kramatorsk şeerine açılğan ateş neticesinde üç insan elâk oldı, 15 kişi yaralandı, dep haber ete Donetsk vilâyeti devlet memuriyetiniñ matbuat hızmeti bergen malümatına esaslanıp Radio Svoboda.
Vilâyet devlet memuriyeti qayd ete ki, yaralanğanlar şeerniñ hastahanelerine ketirildi, olarğa tibbiy yardım kösterile.
Baş ştab bildirdi ki, separatistler Kramatorsk şeeri ve onıñ civarına ateş açmaqtalar. Ateş BM-21 «Grad» sistemalarından açıla. İlk malümatlarğa köre, ateşte «Tornado» snarâdları da qullanıldı.
ATO ştabı bildire ki, «Tornado» Rusiye Silâlı quvetleriniñ silâsında mevcut.
