Yuqarı Rada Ukrainanıñ baş prokurorı vazifesine Viktor Şokinni tayinlemege razı oldı. Buña 318 halq deputatı rey berdi.
Prezident Petro Poroşenko parlamentte çıqışta bulunıp, baş prokuror muavini olğan Viktor Şokinni yañı baş prokuror olaraq tayin etmege teklif etti.
Ukraina Yuqarı Radası Ukraina baş prokurorı Vitaliy Yaremanıñ işten boşatılmasına qoltuttı. Qarar leyhasına 291 halq deputatı qoltuttı.
51 yaşında Vitaliy Yarema 2014 senesi iyün 19-dan itibaren baş prokuror vazifesinde bulunğan edi. Yaremanıñ istifa arizası aqqında fevral 9-da belli oldı.
Şokin baş prokurornıñ birinci muavini olğan edi. 2002-2004 seneleri o, baş prokuror muavini vazifesinde bulunğan edi. 1999 senesinden itibaren Baş prokuraturanın ğayet müim işler taqiqatçısı olğan edi.
