Link açıqlığı

Saatnıñ esas haberi

Smedlâyevniñ sorğusı qırımtatarca keçti


Salı künü, fevral 10-da, Qırım Federal havfsızlıq hızmetinde Qurultaynıñ Merkeziy Saylav komissiya reisi, qırımtatar milliy areket vekili Zair Smedlâyevni sorğuğa çektiler. Sorğu qırımtatarca keçti, dep bildire QHA agentligi.

«2014 senesi mayıs 3 künü boyunca sualler qoyuldı. Sorğuda Qırım Federal universitetiniñ ocası buluna edi. O, subetni qırımtatar tilinden rusçağa, rusçadan qırımtatar tiline tercime ete edi. Men öz anayasa aqqımdan faydalandım. 2014 senesi mayıs 3 künü olğan vaqialarnı añlattım. Yani, ne suallerde, ne cevaplarımda yañı bir şey yoq edi… Bu qadar, menimce», – dedi Smedlâyev.

Sorğu fevral 6-dan 10-na keçirildi, çünki FSB qırımtatar tilinden tercime etecek mütehassısnıñ bulunuvını teşkil etmegen edi.

2014 senesi mayıs 3 künü Qırımda Ermeni Bazarda qırımtatarlarnıñ milliy yetekçisi Mustafa Cemilevniñ qarşılav tedbiri neticesinde 5 insan yaqalanğan edi.

XS
SM
MD
LG