Link açıqlığı

Saatnıñ esas haberi

Aksönov «Krım – Farmatsiya» şirketiniñ yolbaşçılığını işten boşattı


Qırımnıñ öz başına tayin etilgen baş naziri Sergey Aksönov ükümet toplaşuvında «Krım-Farmatsiya» şirketiniñ yolbaşçılığını işten boşatmaq qarar çıqardı.

Bunı Qırım ükümetiniñ matbuat hızmeti bildire.

Aksönovnıñ sözlerine köre, şirket yolbaşçılığı ögünde olğan vazifelerni becerip olamadı. Şu cümleden – aphanelerni imtiyazlı ilâclar ile temin etmedi.

«Para ayırılığanına baqmadan, ilâc yoqtır. «Krım – Farmatsiya» yolbaşçılığını işten boştamaq, taqiqatnı keçirmek, vaqtınca memuriyetni tayinlemek. Tam miqyasta işlemek kerek. İşlep olamağanlar özüne yañı iş qıdırsınlar», – dedi o.

Şirketniñ yañı yolbaşçısı kim olacaq – belli degil.

Qırım Sağlıq saqlav nazirliginiñ malümatına köre, «Krım – Farmatsiya» ağında 29 aphane çalışa. Böyleliknen, aphanelerde mıtlaqa 550 ilâc olmalı, şimdi mında ise yalıñız 375 ilâc bar.

XS
SM
MD
LG