Şu künleri Keriç keçitinde furtuna havfı ilân etile.
Bunı Yekâne naqliyat müdirliginiñ matbuat hızmeti bildire.
Mında qayd etilgeni kibi, fevral 11-12 künleri boğaz etrafında şimaliy-şarqiy yelniñ 20-22 m/s artması mümkün, bundan sebep Keriç keçitiniñ işi toqtala bile.
«Aydavcalırağa Qırımğa ve keri öz ziyaretlerini evelden planlaştırmaq, furtuna havfı vaqtında ise qıta ya da yarımadadan çıqmamaq tevsiye etemiz», – denile beyanatta.
Müdirlikniñ malümatına köre, ferval 10 künü «Kavkaz» limanında nevbette 80 yengil, 50 yük maşinası, «Qırım» limanında – 40 yengil ve 25 yük maşinası tura edi. Yük yolağında: «Novorossiysk» – 200, Slavânsk-na-Kubani – 410, Keriç ava limanında – 150 maşina tura edi.
