Qırımnıñ azerbaycan cemiyetiniñ narazılığına baqmadan, Yaltada Calil Nacabov bağçasında ticariy merkezni quracaqlar.
Bunı matbuat konferentsiyasında Yalta şeer başı Valeriy Kosarev bildirdi, habеr ete «KrımMedia».
O, qurucılıqnı toqtatmaq içün iç bir qanuniy negiz olmağanını bildirdi. «Vesiqalarnı baqıp çıqıtıq, olarnıñ (qurucılarnıñ, – muar.) areketi qanuniydir», – dedi Kosarev.
Şeer başı aytqanı kibi, qurucılıq şeer şurası ve memuriyetnin nezareti altında keçirile. «Bağçanıñ bir qısmını ve abideni biz saqlarmız», – dedi şeer başı.
