Ukraina akimiyeti fevral 10 kününden Qırım ile sıñırdaş rayonlarda sıñır rejimini kirsete.
Bu aqta Nazirler kabinetiniñ «Ukraina milliy havfsızlığı seviyesiniñ artması ile bağlı çareler aqqında» qararında aytıla.
Qararda aytılğanı kibi, bu rejim terrorizmge qarşı ameliyat devamında saqlanılacaq. Sıñır rejimi Donetsk, Lugansk, Harkov vilâyetlerinde ve Herosn vilâyetiniñ eki rayonına kirsetile.
2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.
Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.
