Fevral 8 künü saat 21:45 Donetsk vilâyet merkeziniñ Kuybışev rayonındaki himik mallar zavodında şiddetli patlav yüz berdi, dep haber ete Radіo Svoboda.
İnsanlar patlavnı tek Donetskte degil de, oña yaqın olğan meskün yerlerde de eşitkenler, dep bildireler içtimaiy ağlarnıñ qullanıcıları.
Donetsk üzerinde bir qaç saniye patlav «mantarı» körüne edi. Patlav dalğasından qaza yerinden bir qaç killometr uzaqlığında yerleşken evlerniñ camları sındı.
Şimdi olğan malümatqa köre, boyeviklerniñ zavodda saqlağan silâ yedegi patladı.
Ukraina Yuqarı Şurasınıñ deputatı Boris Filatov ukrain askerlerine esaslanıp, patlav ukrain arbiyleriniñ işi neticesinde yüz bergenini bildire. Resmiy izaat al-azırda yoqtır.
