Qarnıñ yağması ve ava araretiniñ tüşmesi sebebinden raatlıq künleri Aqmescit yollarına 135 tonna tuznen qum sepildi.
Bunı Aqmescit memuriyetiniñ matbuat hızmeti bildirdi.
Mında şunı da qayd ettiler ki, qaldırım ve cayav keçitlerine 12,8 tonna ketti.
«Şimdilik mahsus naqliyat azır, ava şaraitleri daa da beterleşse, işke devam etip olur», – denile beyanatta.
Müessisede şunı da bildireler ki, keçken raatlıq künleri Aqmescitte yol qazaları qayd etilmegen edi.
Bazarertesi künü, fevral 9-da, Qırımda fırtına havfı ilân etilgen. Tahminge köre, Qırımda buzlavuq, tuman, qarnıñ yağması beklenile, kündüz yel küçü 13-18 m/s yetecek. Yollarda buzlavuq saqlanılacaqtır.
