Link açıqlığı

Mahkeme 2014 senesi fevral 26-da mitingde iştirak etken qırımtatarnı apis etti


İşğal etilgen Qırımda Aqmescitniñ Kiyev rayon mahkemesi bazar künü, fevral 8-de, İskender Kantemirovnı fevral 26-da Qırım parlamenti yanında keçirilgen kütleviy tedbirlerde iştiragi içün eki ayğa apis etti.

Qırım prokuraturasınıñ matbuat hızmeti bildirgeni kibi, Taqiqat komiteti hadiminiñ Kantemirovnıñ qapaluvı aqqında muracaatına cumhuriyet prokurorı qol tuttı, dep haber ete «Krıminform».

Matbuat hızmetiniñ malümatına köre, Kanmetirov Cinaiy Kodeksiniñ 212 madde, 2 qısmı («kütleviy tertipsizlikte iştirak etüv») boyunca qabaatlana. Taqiqatnıñ fikrine köre, Aqmescitte 2014 senesi fevral 26 künü keçirilgen kütleviy tertipsizlik vaqtında diger insanlarğa zarar ketirgen eken.

Prokuratura Taqiqat komitetiniñ idaresinden kelgen malümat böyle qararnı çıqarmaq içün yeterli olğanı ile razı oldı.

Hatırlatamız, Qırımtatar Milliy Meclis reisi Refat Çubarov uquq qoruyıcıları tarafından Kantemirovnıñ yaqalanğanı aqqında bildirdi. Bundan evel evinde tintüv keçirilgen edi.

Evel Qırımtatar halqınıñ aq-uquqlarını qorçalav komitetiniñ azalarından biri Abmecit Suleymanovnıñ yaqın soyu olğan Asan Çebiyev yaqalanğan edi. Onı da aynı şu madde boyunca qabaatlay ediler. Amma birazdan azat ettiler.

Yanvar 29 künü Aqmescitte Meclis reisiniñ başı yaqalandı, soñra ise fevral 19-na qadar apiske qapatıldı. Onı 2014 senesi fevral 26 künü Qırım parlamentni yanında kütleviy tertipsizlikniñ teşkil etüvde şekleyler.

XS
SM
MD
LG