Ukraina prezidenti Petro Poroşenko Makedoniya ile 2018 senesi mart 15-ne qadar olacaq vaqtınca vizasız rejimni kirsetti.
Bu aqqında prezidentniñ saytında derc etilgen devlet yolbaşçısınıñ fevral 7-ne ait emrinde aytıla.
Makedoniya Cumhuriyetiniñ vatandaşları 90 künlik müddetni bozmayıp, Ukrainada buluna ya da tranzit ziyareti olaraq Ukrainadan keçe bileler, bu rejim 2015 senesi mart 15-ten itibaren 2018 senesi mart 15-ne qadar devam etecek.
Vizasız rejim «Ukraina ve Makedoniya Cumhuriyeti arasında eyi qomşulıq dostluq printsipleriniñ inkişafı ve amelge keçirilmesi, çeşit saalarda eki taraflı bağlar tiklenmesi maqsadı ile» kirsetile.
