Ukrainada memleket içinde köçip kelgenlerniñ sayısı 980 biñ insannı teşkil ete, daa 600 biñ kişi memleketni terk etmege mecbur oldı.
Bu malümatnı Birleşken Milletler Teşkilâtınıñ (BMT) qaçaqlar işleri agentligi aydınlattı, dep haber ete UNİAN.
600 biñ Ukraina vatandaşı Rusiye, Aqrusiye, Moldova, Poloniya, Macaristan ve Romaniyağa ketmege mecbur qaldı.
BMT yañı malümatına köre, Donbass cenkiniñ qurbanı aman-aman 5,5 biñ kişi oldı, zıddiyet devamında 12,5 biñ insan yaralandı.
Prezident Petro Poroşenko cumaertesi künü, fevral 7-de, Münchendeki konferentsiyasında başqa raqamlarnı aydınlattı. Devlet yolbaşçısınıñ malümatına köre, Ukrainada 1432 asker ve 5600 adiy adam elâk oldı.
Devlet yolbaşçısı dedi ki, Ukraina içinde million kişi Donbasstan köçip keldi, Rusiyede ise 70 biñ insan buluna.
