Link açıqlığı

Bir kün içinde boyevikler Debaltsevoğa bir qaç kere ücüm ettiler


Fevral 7-den 8-ne keçer gecesi boyevikler 39 kere ukrain askerleriniñ noqtalarına ateş açtılar. Bunı ATO matbuat merkezi Facebook saifesinde bildire.

«Duşman kene de esas ateşni Debaltsevo tarafına açtı. Dört kere şeer Grad ve minaatıcılarnıñ ateşi altında qaldı. Bundan ğayrı, boyevikler Çernuhino, Novogrigoryevka ve Maloorlovkağa ateş açtılar», – aytıla beyanatta.

Lugansk ve Donetsk tarafından onar ateş qayd etildi, dep haber ete UNİAN.

Mında tank ve toplarnıñ ateşi altında qalğan Krımskiy, Stanitsa Luganskaya büyük zarar kördiler. Bogdanovka ve Krasnogorovka da ateş altında qaldılar. Bundan ğayrı, Mariupol tarafında boyevikler üç kere Novoselovkağa «Graddan» ateş açtılar.

«Ukrain askerleri duşmannıñ ateşine toplar ateşi ile cevap berip, mesken yerlerge ateşni toqtatmağa mecbur ettiler», – dep bildire matbuat merkezi.

XS
SM
MD
LG