Bu sene Qırım talebelerine berilecek orta tasil şeadetnameleri dünyanıñ iç bir memleketinde tanılmaycaq.
Ukrain ve çetel universitetlerine kirmege istegen talebeler ne yapmalı? Ukrain attestatını elde etmek ve ZNOda iştirak etmek çare barmı?
Qırım mekteplerinde Rusiye işğalinden soñ ne deñişti? Balalarnıñ yañı mektep programmasına munasebeti nasıl? Tünevin Ukrainağa sevgini aşlağan, bugün ise Qırım er vaqıt Rusiyeli olğanı aqqında aytqan ocalarğa inanalarmı?
Kelecegi olmağan mektep – bu aqta «24» haber telekanalınıñ «Qırım.Aqiqat» leyhasınıñ yañı yayınında. Alıp barıcı – Qırım jurnalisti Aleksandr Yankovskiy.
Studiya musafirleri – Ukraina tasil ve ilim nazirliginiñ orta umumtasil departamentiniñ müdiri Yuriy Kononenko, «Almenda» tasil programmalarınıñ koordinatorı Valentina Potapova, ve psihologiya ilimler namzeti İrina Brunova-Kalisetskaya.
Programma cumaertesi künü saat 18:30 (Aqmescit saatine köre saat 19:30) ve bazar künü saat 11:30 (Aqmescit saatine köre saat 12:30) efirge çıqa.
Radio Svoboda ve Qırım.Aqiqat saytlarında ise saat 18:30 (Aqmescit saatine köre saat 19:30) derc oluna.
Radio Svobodanıñ yañı leyhası – işğal etilgen Qırım vaziyetini bilmege istegen insanlar içün azırlandı.
