Cuma künü, fevral altısında, Çaplinka nezaret kiriş noqtasında, vaqtınca işğal etilgen Qırım çıqışında, Ukraina sıñır bekçileri arbiy «Ural» ile yük maşinasını toqtattılar.
Bunı Ukraina Devlet sıñır hızmeti bildire.
Müessiseniñ malümatına köre, Herson vilâyetinde sıñırcılar gümrük hızmetiniñ hadimleri ile yük maşinasını toqtatıp, tirkemesinde «Ural» maşinasını taptılar.
«Rusiye işlenmesidir. «Ural»da ukrain nomeraları olsa da, malümat bazasında o tapılmadı», – denile beyanatta.
Aydavcı Ermeni Bazardan Novaya Kahovkağa kete edi. Şimdilik aydavcı ile yük militsiyada buluna, deyler Ukraina Devlet sıñır hızmetinde.
