Kelecek afta, fevral 10 ve 11 künleri Keriç keçitiniñ etrafında ava şaraitleriniñ beterleşüvi ve şimaliy-şarqiy yerniñ 20-22 m/s yetecegi tahmin etile, bu sebepten keçit qapatıla bile.
Bunı Qırımnıñ Fevqulâde vaziyetler boyunca nazirliginiñ matbuat hızmeti bildire.
«Ola bilecek fevqulâde vaziyetler sebebinden parom yolağı ava şaraitlerine köre işleycek. Aydavcılarğa Qırımğa ve keri ziyaretlerini evelden planlaştırmağa, furtuna havfı vaqtında ise qıta ya da yarımadadan yolğa çıqmamağa tevsiye etemiz», – denile beyanatta.
Aqşam, fevral 6 künü, «Kavkaz» limanında nevbette 45 yengil ve 69 yük, «Qırım» - 40 yengil ve 50 yük maşinası tura edi. Yük yolağında: «Novorossiysk» – 280 maşina, Slavânsk-na-Kubani – 310, Keriç ava limanında – 220 yük maşinası tura edi.
