Link açıqlığı

Qırımtatar faalleriniñ taqdiri geosiyasiy ve yerli faktorlarğa bağlı – Meclis


Şikâyet arizaları Qırımnıñ Yuqarı Mahkemesi tarafından red etilgen qırımtatar faalleriniñ taqdiri çoq şeyge bağlı – em yerli, em geosiyaisy seviyede, dep tüşüne Qırımtatar Milliy Meclis reisiniñ muavini Nariman Celâl.

Bunı o, cuma künü Qırımnıñ Yuqarı Mahkemesiniñ qırımtatar faallerine nisbeten çıqarğan qararlarını izaatlap dedi.

«Tabiiy ki, eger de vaziyet eyileşmege başlasa (Ukraina ile Rusiye arasında – muar.), Qırım, qırımtatarlar, Meclis faaliyeti boyunca şartlar qoyulacaq», – dedi Celâl.

O şunı da qayd etti ki, mında Meclis ve Qırım akimiyeti arasında pekitilecek munasebetlerniñ meselesi de bar. Celâlnıñ aytqanı kibi, temsiliy organda qırımtatarlarğa nisbeten taqipler dalğasınıñ ilerilemesini istemeyler.

Qırım Yuqarı Mahkemesi bir kün içinde birden dört qırımtatar faalliniñ şikâyet arizalarını baqıp çıqtı. Söz Meclis reisiniñ yaqalanğan muavini Ahtem Çiygoz, «narazılıq meydanlarınıñ» iştirakçisi Seydamet Gemeci, iş adamı Edem Osmanov ve uquq qoruyıcı Sinaver Kadırov aqqında kete. Toplaşuvlar neticesinde Yuqarı Mahkeme bütün şikâyetlerni red etti.

XS
SM
MD
LG