Link açıqlığı

«Krımska svitlıtsâ» neşiriniñ muarririyetini Kiyev basmahanesiniñ gazetanı bastırmaq istemegeni şaşırttı


Kiyev basmahanesi «Krımska svitlıtsâ» gazetasını bastırmaqtan vazgeçti. Neşirniñ muarririyeti Facebook saifesinde bildirdi ki, bunıñ sebebi aydınlatılmadı.

«Bu künleri Kiyevden, «Krımska svitlıtsâ» bastırılğan yerden, Aqmescitke muarririyetniñ elektron poçtasına reberlik gazetamıznı «qabul etmegeni aqqında» haber keldi. Neşirci ve tesisçiler (bular ise, hatırlatamız, Milliy gazeta-mecmua neşriyatı, Ukraina medeniyet nazirligi ve T.Şevçenko adına «Prosvita» Bütünukrain cemiyeti) muarririyetke vaziyetni añlatmadılar, bu sebepten abuneciler gazetanıñ kelecek sanını alamaycaqlar», – aytıla beyanatta.

Muarririyet Milliy gazeta-mecmua neşriyatı ve Ukraina medeniyet nazirliginden izaatlar berilmesini istemege tevsiye ete.

«Krımska svitlıtsâ» – Qırımda ukrainca çıqqan bütünukrain cemaat-siyasiy ve edebiy neşiridir.

XS
SM
MD
LG