Link açıqlığı

Ukraina ceza tedbirleri çerçivesinde 160 Rusiye şirketine çalışmaq aqqını bergen litsenziya ve ruhsetlerini lâğu etti. Bunı iqtisadiyat inkişafı ve ticaret naziri Ayvaras Abromaviçus cuma künü, fevral 6-da, Yuqarı Radada ayttı.

Radio Svoboda bildire ki, Avropa Birligi, Amerika Qoşma Ştatları, İsviçre ve «Yediniñ gruppası» memleketleriniñ cezalarına oğrağan Rusiye vatandaşları Ukrainada para qazanmaycaq, em de devlet müessiselerini resmiyleştirmek ve kiralamaq aqqında marum qalacaqlar.

Cezalanğan şahıslarnıñ cedveli Ukraina prezidentiniñ emrinden soñ aydınlatılacaq.

Yanvar 25-te Milliy havfsızlıq ve mudafaa şurası Ukrainanıñ AQŞ, Avropa Birligi, İsviçre, «Yediniñ gruppası» memleketleriniñ cezalarına qoşulması aqqında qarar aldı. Şirket ve iş adamlarınıñ esapları da qapatılacaq.

XS
SM
MD
LG