Link açıqlığı

Saatnıñ esas haberi

Moskva müftisi Qırımda islâm aliy oquv yurtlarınıñ açılması kerekligini ayttı


Qırımda musulman imamlarını oqutacaq aliy oquv yurtları açılmaq kerek.

Bunı milletlerara ve dinlerara munasebetler eyiliştirmesi boyunca Rusiye cemaat palatasınıñ Aqmescitteki keniş toplaşuvında Moskva, Merkeziy region ve Çuvaşiya müftisi Albir Krganov bildirdi, dep haber ete Krım.Media.

Onıñ fikirine köre, devlet Qırımda islâm aliy oquv yurtlarınıñ açılmasına qoltutmalı. İmamlarnı «qırımtatar meselesi, Qırım medeniyeti ve tarihına» esaslanıp oqutmaq kerek.

Qırım musulmanları müftisiniñ muavini Esadullah Bairov bu teklifke qoltutıp, yarımadada yalıñız medreseler olğanını qayd etti.

Neşirniñ malümatına köre, bugün Qırımda sekiz medrese bar. 2014 senesi yazda ve küzde bir sıra musulman mektebinde tintüv keçirildi.

XS
SM
MD
LG