Link açıqlığı

Qırım Yuqarı Mahkemesi fevral 6 künü SİZOda bulunğan Qırımtatar Milliy Meclis reisiniñ muavini Ahtem Çiygoznıñ şikâyet arizasını red etti.

Böyleliknen, mahkeme yanvar 29 künü Aqmescitniñ Kiyev rayon mahkemesiniñ alğan qararını lâğu etmedi. Oña köre, Çiygoz fevral 19-na qadar apiste bulunmalı.

QHA agentliginiñ mühbiri aytqanı kibi, toplaşuvğa Ahtem Çiygoznıñ tuvğanları, Meclis azaları, faaller keldi. Amma mahkeme salonına yalıñız onıñ soy-soplarını kirsettiler.

Neşirniñ malümatına köre, toplaşuvda Qırım prokurorı Natalya Poklonskaya da bar edi.

Ahtem Çiygoz yanvar 29-da yaqalandı. Rusiye Taqiqat komitetiniñ resmiy vekili Vladimir Markin bildire ki, Çiygoznı «kütleviy numayışnı teşkil etüv ve iştirak etüvde» şekleyler.

Onıñ aytqanına köre, 2014 senesi fevral 26-da Aqmescitteki Qırım parlamentiniñ binası yanında keçirilgen narazılıq aktsiyası aqqında laf kete.

Ukraina baş prokuraturası Çiygoznıñ qanunsız sürette azatlıqtan marum etilgeni boyunca cinaiy işni açtı.

XS
SM
MD
LG