Link açıqlığı

Mahkeme «mayıs 3» işi boyunca yaqalanğan qırımtatar iş adamını SİZOda qaldırdı


«Mayıs 3» işi boyunca yaqalanğan qırımlı Edem Osmanovnı SİZOda (Taqiqat izolâtorında) qaldırdılar. Qırım Yuqarı Mahkemesi fevral 6 künü onıñ şikâyet arizasını red etti.

Bunı Qırım.Aqiqat saytına Qırımtatar Milliy Meclis reisiniñ muavini Nariman Celâl bildirdi.

Edem Osmanov mezkür iş boyunca yaqalanğan beşinci şahıstır. Şimdi SİZOda buluna.

Yanvar 19 künü Aqmeçit qasabasında 34 yaşında iş adamı Edem Osmanov yaqalanğan edi. Erkekni 2014 senesi mayıs 3-de qırımtatar halqınıñ lideri Mustafa Cemilevni qarşılağanda politsiya hadimine qarşı küç qullanmasında qabaatlaylar. Yanvar 21-de Aqmescit şeeri merkeziy rayon mahkemesi oña eki aylıq apis cezasını çıqardı.

Yanvar 21-de Aqmescit şeeri merkeziy rayon mahkemesi oña eki aylıq apis cezasını çıqardı.

Keçken sene devamında uquq qoruyıcılar 2014 senesi mayıs 3-de qırımtatar halqınıñ lideri Mustafa Cemilevni qarşılav tedbirinde iştirak etken 4 insannı yaqaladı. Bundan soñra Edem Ebulisov, Tair Smedlâyev, Musa Apkerimov ve Rustam Abdurahmanovğa qarşı qarar deñiştirildi ve olarnı azat ettiler.

XS
SM
MD
LG