Qırım Yuqarı mahkemesi Qırımtatarlarnıñ aq-uquqlarını qorçalav komiteti koordinatorı Sinaver Kadırovnıñ sürgünligi boyunca mahkeme qararını deñiştirmedi.
Bunı Qırım.Aqiqatqa Qırımtatar Milliy Meclis reisiniñ muavini Nariman Celâl bildirdi.
Mahkeme toplaşuvı Aqmescitte fevral 6 künü keçti.
Şu cümleden, Ermeni Bazar şeer mahkemesiniñ Sinaver Kadırovğa para cezasını belgilemek ve Rusiye nezareti altında olğan Qırım yarımadasından sürgün etmek qararına şikâyet arizası baqılğan edi. İşbu qararnıñ sebebi – «Rusiye migratsion qanuniyetiniñ bozuluvı»dır.
Sinaver Kadırovnıñ özü ise Qırım.Aqiqatqa aytqanı kibi, o, başqa türlü qararnı beklemey edi.
«Vaziyetni çoqtan çezdiler, buña azırlıq körip, özleri içün muayyen bir noqtaiy nazarnı çıqarğanlar», – dey Kadırov.
O, mahkemenin soñki qararını elde etip, Avropa mahkemelerine muracaat etmek niyetindedir.
«Böyleliknen narazılığımnı kösterecem, ya da, eñ azından, olarnı mesüliуetke çekmege tırışacağım», – dedi uquq qoruyıcı.
Sinaver Kadırov yanvar 23 künü «Ermeni Bazar» nezaret kiriş noqtasında Federal havfsızlıq hızmeti ve Rusiye sıñır hızmetiniñ hadimleri tarafından yaqalanğan ve yarımadadan sürgün etilgen edi.
