Link açıqlığı

Qırımtatar Milliy Qurultayınıñ Merkeziy saylav komissiya reberi Zair Smedlâyevni cuma künü, fevral 6-da, «mayıs 3 künü işi» boyunca Qırım Federal havfsızlıq hızmeti sorğuğa çekmek kerek.

Bunı o öz Facebook saifesinde bildirdi.

«Franko caddesinde Federal havfsızlıq hızmeti binasında saat 14:15 meni 2014 senesi mayıs 3 künü yüz bergen «ermeni işi» boyunca sorğuğa çekecekler. Meraqlı bir kün olmalı! », – dep yazdı Smedlâyev.

O şunı da qayd etti ki, cuma künü Qırımda yarımadadan sürgün etilgen Sinaver Kadırovnıñ ve SİZOda bulunğan Ahtem Çiygoznıñ şikâyetleri baqılacaqtır.

Evel Smedlâyev bunı qırımtatarlarğa nisbeten Rusiye akimiyeti tarafından basqınıñ artması olaraq adlağan edi.

Yanvar 19 künü «mayıs 3 künü işi» boyunca Edem Osmanov yaqalanğan edi. Yanvar 23 künü «Ermeni Bazar» kiriş noqtasında Federal havfsızlıq hızmeti ve Rusiye sıñır hızmetiniñ hadimleri tarafından faali Sinaver Kadırov yaqalanğan ve Qırımdan sürgün etilgen edi. Yanvar 29 künü Qırımtatar Milliy Meclis reisiniñ muavini Ahtem Çiygoz yaqalanğan edi.

XS
SM
MD
LG