Cumaaqşamı, fevral 5 künü, Aqmescitte «Kubanskiy» çarşısı rayonında şahsiy şirketlerniñ milliyleştirüvi keçti.
Qırım.Aqiqatqa şaatlarnıñ bildirgeni kibi, silâlı insanlar «Vezunçik» tükânlarınıñ saibi ofisini zapt ettiler.
«Binamızğa arbiy kiyingen, silâlı insanlar sürip kirdi. Olarnen «halq imayesi» de bar edi. Hadimlerge bir şey qıçıra, binanı sarıp aldı ve kimseni kirsetmey-yollamay ediler», – det tarif ete şaat.
Aynı adise «Qırım sultanı» şirketiniñ ofisinde yüz berdi. İşbu şahsiy şirketler biri-biri yanında yerleşe.
Şirketlerniñ saipleri, zapt etici insanlar da bir şeyni añlatmaylar.
Qırımda 2014 senesi mart ayında yüz bergen Rusiye işğalinden soñ silâlı «halq imayesi» yardımı ile şikretlerniñ «milliyleştirüvi»ni keçirmege başladılar. Mecburiy «devletleştirüv» qurbanları arasında – banklar, musafirhaneler, gemi qurucılıq zavodları, ötmek kombinatları ve atta Yalta kinostudiyasınıñ binaları bardır.
