Qırımtatar Milliy Meclis reisi Refat Çubarov Yaltada qoyulğan Stalin abidesini onıñ tarafdarları öz qollarınen yoq etecek, dep emindir.
Bunı o öz Facebook saifesinde bildirdi.
«Yüce Rabbimiz adil, em merametliridir…. Böyle bir kün kelir ki, bugün Livadiyada Stalin abidesiniñ qoyulmasına quvanğan, qol tutqan, bunıñ tarafdarı olğanlar bu canavarnı Qırım toprağından öz qolları ile devirir…», – dep yazdı Çubarov.
Qırımda, Yalta civarındaki Livadiya sarayı yanında fevral 5 künü 1945 senesi Yalta añlaşmalarını qabul etken SSCB, AQŞ ve Büyük Britaniya yolbaşçıları Stalin, Churchill, Rooseveltniñ abidesi açıldı.
Zurab Tsereteli Rusiye eykeltraşnıñ Yalta konferentsiyasınıñ 70 yıllığı munasebeti ile 10 tonnalıq abidesini açtılar.
Tenqitçilerniñ fikrine köre, qırımtatarlarnıñ toprağında Stalinge abide qoymaq – ahlâqsızlıqtır, çünki 1944 senesi Stalin halqlarnıñ sürgünligi aqqında emir çıqarğan edi.
