Link açıqlığı

Poroşenko, Merkel ve Hollandeniñ körüşüvi devam etmekte


Almaniya kantsleri Angela Merkel, Ukraina prezidenti Petro Poroşenko, Frenkistan prezidenti Francois Hollande

Kiyevde fevral 5-te aqşam Ukraina prezidenti Petro Poroşenko, Frenkistan prezidenti François Hollande ve Almaniya kantsleri Angela Merkelniñ körüşüvi keçirilmekte. Körüşüv neticeleri boyunca matbuat vastalarınıñ temsilcileri ile subet keçirilmesi planlaştırılmay, – dep haber ete Radio Svoboda.

Toplaşuv başlanmazdan evel Petro Poroşenko subetleşlerine Ukraina şarqında barışıq olmasına köstergen yardımları içün teşekkürler bildirdi. Onıñ aytqanına köre, buña irişmek «ğayet qolaydır – Minsk añlaşmalarına riayet etmeli».

İşbu añlaşmalarğa binaen, silâ qullanılması toqtatılmaq, Ukrainadan çetel boyevikler çıqarılmaq, em de Rusiye ile sıñır boyu Ukraina nezareti ğayrıdan tiklenmek kerek.

Berilgen malümatqa köre, Angela Merkel ve François Hollande Ukrainanıñ topraq bütünligini köz ögüne alıp, yañı barışıq planını azırladılar. Fevral 6-da olar Moskvanı ziyaret etip, Rusiye prezidenti Vladimir Putin ile körüşmek kerekler.

Fevral 5-te Kiyevde Ukraina reberleri ile Amerika Qoşma Ştatlarınıñ devlet kâtibi John Kerry körüşti.

XS
SM
MD
LG