Yerli «halq imayesi» Qırımda «Bütün vaqıtlarnıñ halq imayecileriniñ» eykelini tiklemege teklif ete.
Qırım ükümetine yaqın olğan Krıminform saytınıñ malümatına köre, bu mesele cemaat tarafından baqılacaq. Diñlevler fevral 6-da Aqmescitniñ şeer memuriyeti binasında keçirilecek.
«1612 senesiniñ Kerginligi, 1812 senesiniñ Ulu Vatan cenki, 1853-1856 seneleriniñ Qırım cenki, Ulu Vatan cenki ve 2014 senesiniñ Kırım baarinde Halq imayecileriniñ büyük rolüne baqmadan, Rusiyede halq imayecilerine qoyulğan bir de bir abide alâ daa yoq», – aytıla beyanatta.
Diñlevlerde abideniñ leyhası ve resimleri taqdim etilecek. Eykelniñ fiyatı tahminen 17 mln. rubleni teşkil ete. Onı bücetten tış parağa tikleycek olalar.
