Frenkistan prezidenti François Hollande ve Almaniya kantsleri Angela Merkel cuma künü Ukraina şarqındaki vaziyetni muzakere etmek içün Moskvağa kelecekler.
Bunı Frenkistan prezidenti Parijdeki matbuat konferentsiyasında bildirdi.
Almaniya ükümetiniñ vekili qayd etti ki, soñki vaqıtta Ukraina şarqında vaziyet kerginleşkeninden sebep Frenkistan ve Almaniya zıddiyetni barışıq yollar ile al etmek içün elinden kelgenini yapmağa tırışalar.
Hollandeniñ aytqanına köre, Frenkistan ve Almaniya Ukraina topraq bütünligine esaslanğan yañı teklifni azırladılar.
Cumaaqşamı künü Frenkistan ve Almaniya liderleri Kiyevde Ukraina prezidenti Petro Poroşenko ile körüşmek kerekler. Fevral 5-te Amerika Qoşma Ştatlarınıñ devlet kâtibi John Kerry Kiyevde buluna.
