Link açıqlığı

Qırımda sürgünlikten qaytıp kelgen insanlarnıñ ihtiyacına ayırılğan vastalarnıñ 10% bile masraf etilmedi


Qırımğa bıltır sürgünlikten qaytıp kelgen insanlarnıñ ihtiyacına ayırılğan 800 mln rubleden yalıñız 74 mln masraf etildi.

Bunı jurnalistlerge Qırım «Devlet şurasınıñ» milletlerara munasebetler boyunca komitetiniñ reisi Edip Gafarov bildirdi, haber ete Krım.Media.

O, buña «farqlı sebep» olğanını bildirdi.

«Birinciden, bütün vesiqalarnı yañartmaq kerek edi. Ekinciden, keçici müddet edi, müeesise, teşkilâtlar ğayrıdan resmiyleştirile edi. Çoq sebep bar»,– dedi o.

Onıñ malümatına köre, 2014 senesi masraf etilmegen 726 mln ruble bu senege keçer. Şimdilik Milletlerara munasebetler ve sürgün olunğan grajdanlarnıñ işleri boyunca Qırım «devlet komiteti» işbu vastalardan faydalanmağa daa başlamadı.

XS
SM
MD
LG