Link açıqlığı

Saatnıñ esas haberi

AQŞ Devlet kâtibi John Kerry fevral 5 künü Kiyevde Ukraina prezidenti Petro Poroşenko ile muzakerelerni keçirecek ola, haber ete Radіo Svoboda.

Amerika tış siyasiy bölügi başınıñ ziyareti Washington Ukrainağa memleket şarqında küreşken ukrain arbiylerine silânıñ berilmesini nazarda tutmаğan siyasetini deñiştirmege tüşüngen vaqıtta keçe.

AQŞ prezidenti Barak Obama bu meselede Kiyevge silâlı yardımnı köstermek tarafdarı olğan Pentagon bilidirüvlerine esaslana. Fevral 4 künü AQŞ silâlı quvetler boyunca Senat komitetinde bunı yañı mudafaa naziri vazifesine namzet Ashton Carter bildirdi.

Prezident Poroşekno separatistlerge qarşılıq köstermek içün arbiylerge silâ kerek olğanı aqqında bildirgen edi.

2014 senesi aprel ayından Donbassta devam etken ziddiyette 5300 insan elâk oldı. Eñ azından beş insan fevral 4 künü Donetsk hastahanesinde vefat etti.

XS
SM
MD
LG