Link açıqlığı

Qırım territoriyasında ukrain milliy-medeniy muhtariyetni teşkil etmek kerek, dey Qırım «Cemiyet palatasınıñ» reis muavini Aleksandr Formançuk, dep bildire Krıminform saytı.

«Qırımda ukrain milliy-medeniy muhtariyetniñ olması pek müim. Doğru olur edi, çünki bugünde-bugün Qırımda 400 biñden ziyade ukrain yaşay. Doğru bir yöneliş ve ondan faydalanmaq kerek», – dep añlattı Formançuk.

Fevral 4 künü Qırımda Rusiye Cemiyet palatasınıñ üç künlük toplaşuvı başlandı. Üç kün devamında yarımadanıñ Rusiye Federatsiyasına qoşuluvı ile peyda olğan milletlerara munasebet meseleleri muzakere etilecek.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG