Link açıqlığı

Saatnıñ esas haberi

Aksönov: qırımtatarlarnıñ ğayıp oluvını taqiq etkenler parom keçitiniñ hadimleri ile subet keçireler


Sergey Aksönov
Sergey Aksönov

Qırımnıñ öz başına tayin etilgen baş naziri Sergey Aksönov qırımtatarlarnıñ meseleleri boyunca kontakt taqımı ile iş körüşüvini keçirdi. Körüşüvde o, Qarasuvbazar rayonında qırımtatarlarnıñ ğayıp oluvını taqiq etkenler parom keçitiniñ hadimleri ile subet keçire, dep qayd etti.

Bu aqta Qırım «ükümetiniñ» beyanatında aytıla.

«Şimdi parom keçitiniñ hadimleri ile subetleşeler. Qırım Cumhuriyetiniñ naqliyat nazirligi taqiqatqa yardım ete bilecek faktlarnı ögrenmeli. Bizim içün itibar meselesi, mında hatırlamaq, tüşünmek, vesiqalarnı araştırmaq kerek ve ilâhre»,– dedi Aksönov.

2014 senesi sentâbr 27 künü Qarasuvbazar civarında Sarı-Su mikrorayonında belgisiz şahsılar eki qırımtatarnı maşinağa çekip, belgisiz yönelişke alıp ketkenler.

Oktâbr 1-de ğayıp olğan oğlanlarnıñ ana-babaları ile körüşkende, Qırım «başı» Sergey Aksönov mahsus qıdıruv taqımınıñ teşkil etilecegi aqqında bildirdi.

İnsan aqları boyunca Qırım alan eyyetiniñ vekilleri 2014 senesi soñunda akimiyet qırımtatarlarnıñ qıdıruvı boyunca esabat bermegenini qayd etken edi.

XS
SM
MD
LG