Link açıqlığı

Ukraina Yuqarı Şurası: «Ukrainada milliy birlik siyasetiniñ teşkil etilmesinde vatandaşlıq cemiyetiniñ rolü, emiyeti ve tesiri» mevzusında parlament toplaşuvını keçirmege qarar aldı, mında Ukraina prezidentiniñ qırımtatatar halqı işlerinden vekâletlisi Mustafa Cemilev çıqışta bulnacaq.

Bunı onıñ matbuat hızmeti bildire.

Muzakere etilecek sualler arasında, Cemilevniñ fikrine köre, qırımtatarlarnıñ statusı aqqında sual olmalı.

«Ukraina Yuqarı Şurası Ukraina Anayasasınıñ №11 maddesini deñiştirip, «tamır halq» añlamınıñ muayyen manasını belgilemek kerek. Ukrainada tamır halqlarnıñ sırasına kim kire bile degen mesele añlayışlı olmalı», – dey Mustafa Cemilev.

«Bunıñ ile qırımtatar halqınıñ Ukraina tamır halqı olaraq statusı aqqında qanunnı qabul etmek zaruriyeti muzakere etilmeli», – dep qoştı o.

Toplaşuv mart 11 künü keçirilecektir.

XS
SM
MD
LG