Farqlı din liderlerine yapılğan karikaturalar dindarlarğa nisbeten sayğısızlıq ve medeniy terrorizmdir.
Bunı çarşenbe künü, fevral 4-te, Qırım «yolbaşçısı» Sergey Aksönov Rusiye Federatsiyasınıñ milletlerara ve dinlerara munasebetler eyiliştirmesi cemaat palatasınıñ toplaşuvında bildirdi.
«Bizler er angi din liderine karikatura yapmaq ayıp olğanını tüşünemiz. Bu Ğarpnıñ siyasiy küçleri tarafından teşviqat etilgen medeniy terrorizmdir. Bu diger dinge sayğısızlıq ve aqaretlev timsalidir», – dedi o.
Aksönov bildirdi ki, Qırım akimiyeti böyle bir şeyge «kesen-kes yol bermez».
Çarşenbe künü, fevral 4-te, Иçki qasabasında uquq qoruyıcı organlarnıñ hadimleri tarafından Asan Çebiyev yaqalandı. O, Qırımtatar halqınıñ aqlarını qorçalav komitetiniñ koordinatorlarından biri olğan Abmecit Suleymanovnıñ yaqın soyu ola. Onı 2014 senesi fevral 26-da Qırım Muhtar Cumhuriyetiniñ Yuqarı Rada binasınıñ yanında keçirilgen kütleviy numayışlarda iştirak etüvde qabaatlaylar.
